ຂະແໜງຕັດຫຍິບຫວຽດນາມ ມຸ່ງເປົ້າໝາຍສົ່ງອອກ 44 ຕື້ໂດລາ ໃນປີ 2024
ວິທະຍຸກະຈາຍສຽງຫວຽດນາມ ລາຍງານໃນອາທິດຜ່ານມາ, ຢູ່ຮ່າໂນ້ຍ, ສະມາຄົມຕ່ຳແຜ່ນຕັດຫຍິບຫວຽດນາມ (VITAS)
ໄດ້ຈັດຕັ້ງກອງປະຊຸມສະຫຼຸບຂະແໜງຕ່ຳແຜ່ນຕັດຫຍິບ ປີ 2023. ໃນປີ 2023, ວົງເງິນສົ່ງອອກທົ່ວຂະແໜງບັນລຸໄດ້ 40,3 ຕື້ໂດ
ລາສະຫະລັດ, ຫຼຸດລົງປະມານ 9% ເມື່ອທຽບໃສ່ປີ 2022. ປັດຈຸບັນ, ຫວຽດນາມ ນອນໃນ 3 ປະເທດສົ່ງອອກຕ່ຳແຜ່ນຕັດຫຍິບ
ໃຫຍ່ທີ່ສຸດໃນໂລກ.
ໃນນັ້ນ, ອາເມຣິກາ ແມ່ນຕະຫຼາດທີ່ມີອັດຕາສ່ວນຫຼາຍກວ່າໝູ່, ຖັດມາແມ່ນສະຫະພາບເອີຣົບ, ສ ເກົາ ຫຼີ, ຈີນ, ຍີ່ປຸ່ນ. ຂະ
ແໜງຕ່ຳແຜ່ນຕັດຫຍິບຫວຽດນາມ ຍັງມີຄວາມສາມາດບົ່ມຊ້ອນຫຼາຍຢ່າງ ເພື່ອເພີ່ມທະວີການເຊື່ອມໂຍງເສດຖະກິດສາກົນ, ເປີດ
ກວ້າງຕະຫຼາດສົ່ງອອກ. ເປົ້າໝາຍທີ່ຂະແໜງຕ່ຳແຜ່ນຕັດຫຍິບວາງອອກແມ່ນວົງເງິນສົ່ງອອກໃຫ້ບັນລຸ 44 ຕື້ໂດລາສະຫະລັດ, ເພີ່ມ
ຂຶ້ນ 9,2% ເມື່ອທຽບໃສ່ປີ 2023.
ເພື່ອຊອກຫາກາລະໂອກາດຈາກສິ່ງທ້າທາຍ, ມາດຕະການຕົ້ນຕໍຂອງຂະແໜງຕ່ຳແຜ່ນຕັດຫຍິບແມ່ນລົງທຶນໃຫ້ແກ່ການພັດທະ
ນາແບບຍືນຍົງ, ພັດທະນາວິທະຍາສາດ-ເຕັກໂນໂລຊີ ແລະ ຊັບພະຍາກອນມະນຸດ; ໃນນັ້ນດຶງດູດບັນດາໂຄງການຕ່ຳແຜ່ນແພ-ຍ້ອມ
ສີ-ປະກອບເຕັກໂນໂລຊີສູງໃຫ້ເຂດອຸດສາຫະກຳ; ລົງທຶນຜະລິດວັດຖຸດິບທຳມະຊາດໃໝ່ ທີ່ເປັນມິດກັບສິ່ງແວດລ້ອມ; ລົງທຶນພັດ
ທະນາຂະແໜງແຟຊັ່ນຕາມກະແສໂລກ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/12/2023